تحریک انصاف یا عوامی تحریک کی پشت پناہی نہیں کر رہے

پاکستانی فوج کے شعبہ تعلقات عامہ آئی ایس پی آر نے تحریک انصاف کے صدر جاوید ہاشمی کے اس بیان کو مسترد کر دیا ہے جس میں انھوں نے دعویٰ کیا تھا کہ پی ٹی آئی اور پاکستان عوامی تحریک انصاف کے پیچھے فوج یا آئی ایس آئی کا ہاتھ ہے۔

آئی ایس پی آر کی جانب سے جاری ہونے والے وضاحتی بیان میں ان الزامات کی تردید کی گئی ہے کہ ’فوج اور آئی ایس آئی نے کسی بھی طرح موجودہ سیاسی جمود میں پی ٹی آئی اور عوامی تحریک کی پشت پناہی نہیں کر رہی ہے۔‘

آئی ایس پی آر کے اس بیان میں کہا گیا ہے کہ فوج ایک غیر سیاسی ادارہ ہے اور متعدد مواقع پر فوج نے واضح طور جمہوریت کی حمایت کی ہے۔

فوج کا کہنا ہے کہ ’یہ بہت بدقسمتی ہے کہ فوج کو ان تنازعات میں دھکیلا جا رہا ہے‘۔

پانچ سطور پر مبنی آئی ایس پی آر کے وضاحتی بیان کے اختتام میں لکھا گیا ہے کہ فوج کی دیانت داری اور اتحاد ہی اس کی قوت ہے جس پر یہ فخر برقرار رکھتی ہے۔