ﺍﺳﻼﻡ ﺍٓﺑﺎﺩ: ﺳﭙﺮﯾﻢ ﮐﻮﺭﭦ ﻧﮯ ﻗﺮﺍﺭ ﺩﯾﺎ ﮨﮯ ﮐﮧ ﮐﻮﺋﯽ ﺟﮭﻮﭨﺎ
ﺷﺨﺺ ﻋﻮﺍﻡ ﮐﯽ ﻧﻤﺎﺋﻨﺪﮔﯽ ﻧﮩﯿﮟ ﮐﺮﺳﮑﺘﺎ، ﺍٓﺩﮬﯽ ﭘﺎﺭﻟﯿﻤﻨﭧ
ﺑﮭﯽ ﻧﺎﺍﮨﻞ ﮨﻮ ﺟﺎﺋﮯ ﺗﻮ ﮨﻤﯿﮟ ﮐﻮﺋﯽ ﭘﺮﻭﺍﮦ ﻧﮩﯿﮟ، ﺻﺎﺩﻕ ﺍﻭﺭ
ﺍﻣﯿﻦ ﮐﺎ ﻣﻌﯿﺎﺭ ﻣﻘﺮﺭ ﮐﺮﻧﺎ ﭘﮍﮮ ﮔﺎ۔
ﺟﺴﭩﺲ ﺟﻮﺍﺩ ﺧﻮﺍﺟﮧ ﺍﻭﺭ ﺟﺴﭩﺲ ﻓﺎﺋﺰ ﻋﯿﺴﯽٰ ﭘﺮ ﻣﺸﺘﻤﻞ
ﮈﻭﯾﮋﻥ ﺑﯿﻨﭻ ﻧﮯ ﻭﺯﯾﺮﺍﻋﻈﻢ ﻧﺎﺍﮨﻠﯽ ﮐﯿﺲ ﻣﯿﮟ ﺍﭨﺎﺭﻧﯽ ﺟﻨﺮﻝ
ﺳﮯ ﺟﺎﻣﻊ ﺟﻮﺍﺏ ﻃﻠﺐ ﮐﺮﻟﯿﺎ ﺟﺒﮑﮧ ﺩﺭﺧﻮﺍﺳﺖ ﮔﺰﺍﺭ
ﺍﺳﺤﺎﻕ ﺧﺎﮐﻮﺍﻧﯽ ﺍﻭﺭ ﭼﻮﮨﺪﺭﯼ ﺷﺠﺎﻋﺖ ﮐﮯ ﻭﮐﻼ ﮐﻮ ﮨﺪﺍﯾﺖ
ﮐﯽ ﮐﮧ ﺑﺘﺎﯾﺎ ﺟﺎﺋﮯ ﺩﺭﺧﻮﺍﺳﺘﯿﮟ ﺫﺍﺗﯽ ﺣﯿﺜﯿﺖ ﻣﯿﮟ ﺩﺍﺋﺮ ﮐﯽ
ﮔﺌﯿﮟ ﯾﺎ ﭘﺎﺭﭨﯽ ﺣﯿﺜﯿﺖ ﻣﯿﮟ۔ ﺍﭨﺎﺭﻧﯽ ﺟﻨﺮﻝ ﻧﮯ ﮐﮩﺎ ﮐﮧ ﺍﮨﻠﯿﺖ
ﮐﮯ ﻣﻌﺎﻣﻠﮯ ﮐﻮ ﺟﺎﻧﭽﻨﮯ ﮐﯿﻠﯿﮯ ﻻﺭﺟﺮ ﺑﯿﻨﭻ ﺑﻨﺎ ﮨﻮﺍ ﮨﮯ ﺟﻮ
ﺍﻧﺘﺨﺎﺑﯽ ﻋﺬﺭﺩﺍﺭﯾﻮﮞ ﻣﯿﮟ ﺍٓﺋﯿﻨﯽ ﺳﻮﺍﻻﺕ ﭘﺮﻓﯿﺼﻠﮧ ﮐﺮﮮ ﮔﺎ۔
ﻭﺯﯾﺮ ﺍﻋﻈﻢ ﮐﮯ ﻣﻌﺎﻣﻠﮯ ﻣﯿﮟ ﻋﺪﺍﻟﺖ ﮐﻮ ﯾﮧ ﺑﮭﯽ ﺩﯾﮑﮭﻨﺎ ﭘﮍﮮ
ﮔﺎ ﮐﮧ ﺑﯿﺎﻥ ﭘﺎﺭﻟﯿﻤﻨﭧ ﮐﮯ ﺍﻧﺪﺭ ﺩﯾﺎ ﮔﯿﺎ ﯾﺎ ﺑﺎﮨﺮ ﮐﯿﻮﻧﮑﮧ ﺍٓﺭﭨﯿﮑﻞ
66ﮐﮯ ﺗﺤﺖ ﭘﺎﺭﻟﯿﻤﻨﭧ ﮐﯽ ﮐﺎﺭﺭﻭﺍﺋﯽ ﮐﻮ ﻋﺪﺍﻟﺖ ﻣﯿﮟ ﺯﯾﺮ
ﺑﺤﺚ ﻧﮩﯿﮟ ﻻﯾﺎ ﺟﺎﺳﮑﺘﺎ۔
ﺟﺴﭩﺲ ﺟﻮﺍﺩ ﺧﻮﺍﺟﮧ ﻧﮯ ﻗﺮﺍﺭ ﺩﯾﺎ ﮐﮧ ﺑﺎﺩﯼ ﺍﻟﻨﻈﺮ ﻣﯿﮟ ﯾﮧ
ﻣﻌﺎﻣﻠﮧ ﻣﺤﺾ ﺳﯿﺎﺳﯽ ﻧﮩﯿﮟ ﺑﻠﮑﮧ ﺍٓﺋﯿﻨﯽ ﻧﻮﻋﯿﺖ ﮐﺎ ﮨﮯ،
ﮐﻮﺋﯽ ﺟﮭﻮﭨﺎ ﺷﺨﺺ ﻋﻮﺍﻡ ﮐﯽ ﻧﻤﺎﺋﻨﺪﮔﯽ ﻧﮩﯿﮟ ﮐﺮ ﺳﮑﺘﺎ،
ﺍٓﺩﮬﯽ ﭘﺎﺭﻟﯿﻤﻨﭧ ﺑﮭﯽ ﻧﺎﺍﮨﻞ ﮨﻮ ﺟﺎﺋﮯ ﺗﻮ ﮨﻤﯿﮟ ﮐﻮﺋﯽ ﭘﺮﻭﺍﮦ
ﻧﮩﯿﮟ، ﮨﻢ ﻧﮯ ﺍٓﺋﯿﻦ ﮐﮯ ﻣﻄﺎﺑﻖ ﻓﯿﺼﻠﮧ ﮐﺮﻧﺎ ﮨﮯ۔
ﺳﭻ ﮐﯿﺎ ﮨﮯ، ﺍﺱ ﮐﺎ ﻣﻌﯿﺎﺭ ﻣﻘﺮﺭ ﮐﺮﻧﺎ ﭘﮍﮮ ﮔﺎ ﺍﻭﺭ ﻋﻮﺍﻣﯽ
ﻧﻤﺎﺋﻨﺪﻭﮞ ﮐﻮ ﺻﺎﺩﻕ ﺍﻭﺭ ﺍﻣﯿﻦ ﮐﮯ ﺍﺱ ﻣﻌﯿﺎﺭ ﭘﺮ ﭘﻮﺭﺍ ﺍﺗﺮﻧﺎ
ﮨﻮﮔﺎ، ﺍﺱ ﺳﮯ ﻗﻄﻊ ﻧﻈﺮ ﮐﮧ ﮐﻮﺋﯽ ﭘﺎﺭﻟﯿﻤﻨﭧ ﮐﮯ ﺍﻧﺪﺭ ﮨﮯ ﯾﺎ
ﺑﺎﮨﺮ، ﻣﺴﺘﻘﺒﻞ ﻣﯿﮟ ﺑﮭﯽ ﻋﺎﻡ ﺍﻧﺘﺨﺎﺑﺎﺕ ﮨﻮﻧﮕﮯ، ﺍﺏ ﻣﻌﻠﻮﻡ
ﻧﮩﯿﮟ ﮐﮧ ﻣﮉﭨﺮﻡ ﮨﻮﺗﮯ ﮨﯿﮟ ﯾﺎ ﭼﺎﺭ ﺳﺎﻝ ﺑﻌﺪ، ﺍﺳﮑﮯ ﻋﻼﻭﮦ
ﺑﻠﺪﯾﺎﺗﯽ ﺍﻟﯿﮑﺸﻦ ﮨﻮﻧﮯ ﻭﺍﻟﮯ ﮨﯿﮟ، ﺍﻥ ﻣﯿﮟ ﺻﺎﺩﻕ ﺍﻭﺭ ﺍﻣﯿﻦ
ﮐﮯ ﺟﮭﮕﮍﮮ ﮐﮭﮍﮮ ﮨﻮﻧﮕﮯ، ﺍﺱ ﻟﯿﮯ ﮨﻤﯿﮟ ﺻﺎﺩﻕ ﺍﻭﺭ ﺍﻣﯿﻦ
ﮐﮯ ﺑﺎﺭﮮ ﻣﯿﮟ ﮐﻮﺋﯽ ﻧﻈﯿﺮ ﻗﺎﺋﻢ ﮐﺮﻧﺎ ﭘﮍﮮ ﮔﯽ۔
ﺩﺭﺧﻮﺍﺳﺖ ﮔﺰﺍﺭﻭﮞ ﮐﮯ ﺍﻋﺘﺮﺍﺽ ﺍﻭﺭ ﻻﺭﺟﺮ ﺑﯿﻨﭻ ﺑﻨﺎﻧﮯ ﮐﯽ
ﺩﺭﺧﻮﺍﺳﺖ ﭘﺮ ﺟﺴﭩﺲ ﺟﻮﺍﺩ ﺧﻮﺍﺟﮧ ﻧﮯ ﺭﯾﻤﺎﺭﮐﺲ ﺩﯾﮯ ﮐﮧ
ﺍﮔﺮ ﻣﯿﮟ ﻧﮯ ﺳﻤﺠﮭﺎ ﮐﮧ ﮐﯿﺲ ﮐﯽ ﺳﻤﺎﻋﺖ ﮐﯿﻠﯿﮯ ﻣﻮﺯﻭﮞ
ﻧﮩﯿﮟ ﮨﻮﮞ ﺗﻮ ﺍﻟﮓ ﮨﻮ ﺟﺎﺋﻮﮞ ﮔﺎ ﻟﯿﮑﻦ ﯾﮧ ﺳﻨﺪ ﮨﻢ ﻧﮯ ﻭﮐﻼ ﺳﮯ
ﻧﮩﯿﮟ ﻟﯿﻨﯽ، ﺧﻮﺩ ﮨﯽ ﺍﯾﺴﮯ ﻣﻌﺎﻣﻼﺕ ﮐﺎ ﻓﯿﺼﻠﮧ ﮐﺮﯾﻨﮕﮯ، ﺍﮔﺮ
ﻋﺪﺍﻟﺖ ﻣﯿﮟ ﯾﮧ ﻣﻌﺎﻣﻠﮧ ﻃﮯ ﻧﮧ ﮨﻮﺍ ﺗﻮ ﺑﮩﺖ ﺑﮍﺍ ﻣﺴﺌﻠﮧ ﮐﮭﮍﺍ ﮨﻮ
ﺟﺎﺋﯿﮕﺎ۔
ﯾﻮﻧﯿﻦ ﮐﻮﻧﺴﻞ ﺳﮯ ﻟﯿﮑﺮ ﭘﺎﺭﻟﯿﻤﻨﭧ ﺗﮏ ﺍﻣﯿﺪﻭﺍﺭﻭﮞ ﺳﮯ
ﻣﺘﻌﻠﻖ ﺍﻧﮑﮯ ﻣﺨﺎﻟﻔﯿﻦ ﮐﮩﯿﮟ ﮔﮯ ﮐﮧ ﯾﮧ ﺟﮭﻮﭨﺎ ﮨﮯ ﺍﻭﺭ ﭘﮭﺮ
18ﮐﺮﻭﮌ ﻋﻮﻡ ﮐﻮ ﺍﺳﻨﺎﺩ ﺩﯾﻨﺎ ﭘﮍﯾﮟ ﮔﯽ۔ ﺍﮮ ﭘﯽ ﭘﯽ ﮐﮯ ﻣﻄﺎﺑﻖ
ﻋﺪﺍﻟﺖ ﻧﮯ ﺍﭨﺎﺭﻧﯽ ﺟﻨﺮﻝ ﮐﻮ ﮨﺪﺍﯾﺖ ﮐﯽ ﮐﮧ ﻻﮨﻮﺭ ﮨﺎﺋﯿﮑﻮﺭﭦ
ﮐﮯ ﻓﯿﺼﻠﮧ ﮐﯽ ﺭﻭﺷﻨﯽ ﻣﯿﮟ ﮔﻮﮨﺮ ﻧﻮﺍﺯ ﺳﻨﺪﮬﻮ ﮐﯽ
ﺩﺭﺧﻮﺍﺳﺖ ﮐﮯ ﺳﯿﺎﺳﯽ ﯾﺎ ﺍٓﺋﯿﻨﯽ ﮨﻮﻧﮯ ﺳﮯ ﻣﺘﻌﻠﻖ ﻋﺪﺍﻟﺖ
ﮐﯽ ﻣﻌﺎﻭﻧﺖ ﮐﺮﯾﮟ ﺍﻭﺭ 7 ﺭﻭﺯ ﻣﯿﮟ ﺭﭘﻮﺭﭦ ﺟﻤﻊ ﮐﺮﺍﺋﯿﮟ، ﻣﺰﯾﺪ
ﺳﻤﺎﻋﺖ ﻣﺤﺮﻡ ﺍﻟﺤﺮﺍﻡ ﮐﮯ ﺑﻌﺪ ﮨﻮﮔﯽ۔
0 comments:
Post a Comment